"O'ZTEMIRYO'LYO'LOVCHI" AJ HAQIDA

                    Nega AO «O'ZTEMIRYO'LYO'LOVCHI»ni tanlash kerak?
"O'ztemiryo’lyo’lovchi"  AJ ni tanlash orqali siz butun mamlakatni qamrab oluvchi yo‘nalishlar tarmog‘iga, shuningdek, qo‘shni davlatlarga sayohat qilish imkoniyatiga ega bo‘lasiz. Bugungi kunda kompaniya har yili 15 milliondan ortiq yo‘lovchini tashib, ishonchli va qulay sayohatlarni ta'minlamoqda. Toshkentning Markaziy va Janubiy vokzallari yaqinda o‘tkazilgan modernizatsiyadan so‘ng nafaqat transport tuguni, balki kutish va dam olish uchun qulay hududga aylangan. Biz nafaqat transport xizmatlarini, balki har bir yo‘lovchining ehtiyojlarini inobatga olgan holda zamonaviy darajadagi qulayliklarni taqdim etishga intilamiz.

Innovatsiyalar va rivojlanish

"O'ztemiryo’lyo’lovchi"  AJ xizmatlarini doimiy ravishda takomillashtirib boradi. Asosiy yo‘nalishlardan biri boshqaruv tizimini yaxshilash, vagonlarni yangilash va yangi xizmat ko‘rsatish tizimlarini joriy etishdir.
 

Yo‘lovchilar uchun xizmatlar va qulayliklar

"O'ztemiryo’lyo’lovchi"  AJ  yo‘lovchilarning qulayligini ta'minlashga katta e'tibor qaratadi. Vokzallarda yo‘lovchilar uchun quyidagi qulayliklar mavjud:

• Bagaj saqlash xizmati va bepul bagaj aravachalari.
• Toshkent Markaziy vokzalida barcha turdagi sayohatchilarga mos bo‘lgan turli hududlar:
  • Kutish zallari: yo‘lovchilar uchun olti qulay zal, VIP-zal, restoran va lounge mavjud.
  • Oilaviy hududlar: bolalar o‘yin maydonchasi, kafe va kichik bolali ota-onalar uchun xona.
  • Texnologik xizmat ko‘rsatish: poezdlar haqida tezkor ma'lumot beruvchi elektron tablolari va zamonaviy terminallar.

Kompaniya turli aholi guruhlari uchun muntazam ravishda yangi chegirmalar va imtiyozlarni joriy qiladi, bu esa sayohatlarni barcha uchun qulay va ommabop qiladi.
 

Zamonaviy texnologiyalar yo‘lovchilar qulayligi uchun

Kompaniya raqamli yechimlarni joriy etishda faol ish olib bormoqda. Endi yo‘lovchilar uydan chiqmasdan, zamonaviy onlayn platforma orqali chipta xarid qilishlari mumkin. Vokzalda chipta xarid qilishni afzal ko‘ruvchilar uchun esa kassirlarsiz chiptalarni mustaqil rasmiylashtirish imkonini beruvchi raqamli infokiosklar o‘rnatilgan. Bu vaqtni tejaydi va navbatda turish zaruratini bartaraf etadi.
 

O‘zbekiston bo‘ylab sayohatlarda ishonchli hamkor

"O'ztemiryo’lyo’lovchi"  AJ  bu shunchaki A punktidan B punktiga yetkazish emas. Bu har bir yo‘lovchiga e'tibor, doimiy rivojlanish va bozorning zamonaviy talablariga moslashuvdir. Kompaniya sizga sayohatingizni qulay va yoqimli qilish uchun barcha sharoitlarni yaratadi. Biz bilan sayohatlaringizni oson rejalashtirish, vokzallarda qulay infratuzilmadan foydalanish va barcha turdagi yo‘lovchilar uchun eng yaxshi sharoitlarga ega bo‘lishingiz mumkin.

Jamiyatning faoliyat turlari quyidagilar hisoblanadi:

• O‘zbekiston Respublikasi fuqarolari va chet el fuqarolarining yuk, bagaj va qo‘l yukini tashishdagi ehtiyojini to‘la va o‘z vaqtida qondirish, temir yo‘lda ko‘rsatilayotgan xizmatlarning hajmini kengaytirish va sifatini oshirish, bozor iqtisodiyoti sharoitida korxona samaradorligini oshirish;
• Davlatlararo, respublika ichidagi va shahar atrofidagi aloqalarda yo‘lovchilar va vagonlarni ishlatishdan daromadlarning to‘liq tushishida, shuningdek bekatlar va yo‘lovchi poezdlarda yo‘lovchilarga xizmat ko‘rsatishda sifat nazoratini ta’minlash;
• yo‘lovchilar tashiydigan, sayohat, pochta-yuk va shahar atrofiga qatnaydigan poyezdlar harakat jadvalini ishlab chiqish va to‘g‘rilash, shuningdek O‘zbekiston Respublikasi va xalqaro yo‘nalishlarida poyezdlarni tayinlash va bekor qilish bo‘yicha takliflar tayyorlash;
• poyezdlarga maxsus, xizmat hamda boshqa vagonlarni biriktirish va ajratish, shuningdek yo‘lovchilar oqimiga bog‘liq holda yo‘lovchi kassalarni biriktirib-ajratish uchun buyruqlarni belgilangan tartibda tayyorlash va chiqarish;
• o‘ziga qarashli korxonalarning moliya-xo‘jalik ko‘rsatkichlarini tasdiqlash, yo‘lovchilarni tashish sifati va samaradorligini oshirish bo‘yicha chora-tadbirlar ko‘rish;
• mazkur masalalarni amalga oshirish uchun ochilgan oraliq bekatlar va to‘xtash joylarida chipta sotishni tashkil qilish;
• jamiyat mablag‘lari va boshqa moliyalashtirish manbaalari hisobidan asosiy fondlar va mablag‘larni ko‘paytirish bo‘yicha takliflarni tayyorlash, yo‘lovchi tashish xo‘jaligi maydonlarini qayta tiklash va rivojlantirish, kapital qurilish bo‘yicha yillik va istiqbolli rejalarni ishlab chiqish;
• bekatlarda va yo‘lda yo‘lovchilarga servisli xizmat ko‘rsatish va maishiy, kommunal hamda transport xizmatlarini amalga oshirish, tashishlarda qulay sharoitlarni yaratish;
• yo‘lovchi tashish vagonlarini komleksli tayyorlash va jihozlashni ta’minlash;
• xarakat tarkibidagi qismda, texnik vositalar va jixozlarda, poyezdlar harakati xavfsizligida, mehnatni muhofaza qilish va foydalanish faoliyatining boshqa ko‘rinishlarida "‘O'zbekiston temir yo’llari” aksiyadorlik jamiyati uchun belgilangan me’yorlarni bajarish bo‘yicha tashkiliy-texnikaviy tadbirlarni o‘z vaqtida o‘tkazish;
• O‘zbekistonda amal qiluvchi me’yoriy xujjatlarga, shuningdek boshqa davlatlarda ham amal qiluvchi me’yoriy dalolatnomalarga, texnologik jarayonlarga, yo‘riqnomalarga va boshqa me’yorlarga rioya qilish;
• “O’zbekiston temir yo’llari” aksiyadorlik jamiyati tomonidan MDH- Latviya, Litva va Estoniya davlatlarining temir yo‘l ma’muriyatlari bilan o‘xshash bitimlarni imzolashda, shuningdek uchinchi davlatlar temir yo‘l ma’muriyatlari bilan yo‘l transporti bo‘yicha Kengash kelishuvlari doirasida tuzilgan yo‘lovchilarni tashishda xizmat ko‘rsatish bo‘yicha kelishuvlarni amalga oshirish;
• yo‘lovchilarga madaniy xizmat ko‘rsatish hamda ularni tashish jaryonini takomillashtirish bo‘yicha jahonning yetakchi davlatlarida qabul qilingan yangi texnologiya va loyixalarni ishlab chiqish va joriy qilish;
• O‘zbekiston Respublikasi hududida va undan tashqarida sayyohlik ishlarini rejalashtirish, tashkil qilish va ta’minlash. O‘zbekiston Respublikasi sayyohlari va xorijiy fuqarolarga xizmat ko‘rsatishni tashkil qilish bo‘yicha tegishli vazirliklar va idoralar, firma, qo‘shma va kichik korxonalar bilan birgalikda ish yuritish;
• yo‘lovchilarga xizmat ko‘rsatishning kompleks tizimini o‘z ichiga oluvchi tashish infrastrukturasini tashkil qilish va rivojlantirish;
• diversifikatsiya tartibida qo‘shimcha daromad olish va Jamiyat tomonidan bajariladigan ishlar va ko‘rsatiladigan turli xil xizmatlar doirasini kengaytirish maqsadida;
• broker xizmatlarini ko‘rsatish, shu jumladan yuridik va jismoniy shaxslar tomonidan tashiladigan yuk, yuk bagaj va bagajni deklaratsiya hamda bojxonadan o‘tkazish ishlarini amalga oshirish;
• yuridik va jismoniy shaxslar tomonidan tashiladigan yuk, yuk bagaj va bagajni saqlash uchun bojxona omborlarini tashkil qilish, hamda transport-eksport xizmatlarini amalga oshirish;
• loyixa smetalash, qurilish, ta’mirlash ishlarini amalga oshirish;
• O‘zbekiston Respublikasi doirasida  eksportga chiqadigan xalq iste’mol mollarini ishlab chiqarish va sotishni tashkil qilish;
• tovar-moddiy boyliklarni ulgurji savdosini amalga oshirish;
• O‘zbekiston Respublikasi hududida va undan tashqarida transport xizmatlarini ko‘rsatish, ishlab chiqarish va reklamaning kengaytirilishi bo‘yicha ishlar, poyezd va vokzallarda umumiy ovqatlanish va savdo ishlarini tashkil qilish.

O‘zbekiston Respublikasi qonunlariga zid bo‘lmagan boshqa faoliyat va xizmat turlarini amalga oshirish.